बेचिएकीको कथा

हामी त यौट कथा न हौ
कसैले लेखेको,
कसैले भोगेको,
कसैले देखेको,
कसैले सुनेको
हामी त यौट कथा न हौ ।
कसैको कथामा,
सुनकेसरी परी हुन्छन्,
बायुपंखी घोडामा राजकुमार आउँछन,
सपनाको संसारमा उडाएर लैजान्छन ।
कसैको कथामा,
अल्लारे नानीहरु हुन्छन्
टाटाको गाडीमा रिकुटेहरु आउँछन,
बम्बैको कोठीमा फकाएर पु्र्याउँछन,
अनि त हामी
कथाबाट समाचार बन्छौ,
समाचारबाट मुद्दा बन्छौ,
पुलीस, वकील, न्यायधिस बन्छौ,
बहस, छलफल, दण्डसजाय बन्छौ,
बन्नुपर्ने सबै बन्छौ ।
अन्तमा
बर्षौ वितेपछी
कालोमसीले कागजमा लेखिएको,
अत्यन्त रोचक फैसला बन्छौ
यसरी हामी फगत यौटा कथा बन्छौ ।