म सँग के नै छ र
दिन बाँकी तिमीलाई
मन दिएँ, तन दिएँ,
सबथोक दिएँ तिमीलाई ।
हृदयको पहिलो फूल
राखेकै हुँ तिम्रो पाउमा,
देउरालीमा प्राण राखी
भाकेकै हुँ तिम्रै नाउँमा,
शब्द पनि के नै छ र
भन्न बाँकी तिमीलाई,
स्वर दिएँ, भाव दिएँ
सबथोक दिएँ तिमीलाई ।
ओस विनाको सेतो बादल
रित्तो रित्तो आज भा'छु,
तिम्रो जीतमा रुनलाई
छैन बाँकी खुसीआँसु,
म सँग के नै छ र
दिन बाँकी तिमीलाई,
मन दिएँ तन दिएँ
सबथोक दिएँ तिमीलाई ।
No comments:
Post a Comment