डष्टविनमा फालिएका
करेसाको मलखाल्डोमा गाडिएका
बाटो छेउ आगो बालिएका
इतिहासको कुँडाकक्ड
मेरा पुर्खाहरु ।
अक्षर अक्षर मा पढछु
विजय र पराजयको कथा,
चापलुसी प्रश्रस्तिको कथा,
अक्षरहरु मौन छन्,
निशब्द छन्,
को थिए, कहांबाट आए
किन आए, मेरा पुर्खाहरु
हावामा कोरिएको धर्को झै
खुल्ला अकाशमा हाराए
मेरा पुर्खाहरु ।
हूडकेहरुको हुडक्याहामा
हुडकेको गान छैन,
सारंगीको ¥याँई¥याँईमा
सारंगीको बयान छैन,
दमाहा, ट्यामकेमा उत्सव बज्छ
बजाउनेको इतिहास बज्दैन ,
बंशावलीको पात्रोमा
म जन्माउने
डिम्ब र सुक्रकिट हराएको छ
कस्का थिए डिम्ब र शुक्रकिट
प्रश्न छ इतिहासलाई
पानीमा हानेको लाठी झै
देखिदा देखिदै किन हराए
मेरा पुर्खाहरु ।
डष्टविनमा फालिएका
करेसाको मलखाल्डोमा गाडिएका
बाटो छेउ आगो बालिएका
इतिहासको कुँडाकक्ड
मेरा पुर्खाहरु ।
No comments:
Post a Comment