धड्कनकाे कुरा

तिम्रो र मेरो
छाती भित्र धड्कीरहेको मुटु
एक दिन टक्क रूक्ने छ,
त्यो तिमीलाई पनि थाहा छ
त्यो मलाई पनि थाहा छ ।
तर पनि तिमी र म
मुटु साटासाट गर्ने कुरा गर्छौ,
मुटु भित्र बाँचीरहने कुरा गर्छौं,
के तिमी र म पागल हौँ ?
न चाहिँदो बकबास गर्छौं,
असम्भव कुरा गर्छाैँ।
मुटुकाे गति कुन दिन रूक्छ ?
न तिमीलाई थाहा छ,
न मलाई नै थाहा छ ।
तिमी अलि स्वार्थी छौ
मेरो भन्दा अघि
आफ्नै रूकोस भन्छौ
म पनि त्यस्तै छु
तिम्रो भन्द अघि
मेरै रूकोस भन्छु ।
के हामी पागल हाैं ?
एक दिन रूकिजाने
धड्कनकाे कुरा गर्छौं ।