बा

बा

बाटो हो

कुल्चेर सन्तान गन्तब्य पुग्छन्

विर्सछन् यात्राकामार्मिक चित्रहरु 

खाल्डाेहरु

उकालोहरु

ओरालोहरु

समथर फाँट

कलकल बग्ने खोला

थकान मेट्ने चौतारी ।

बा

समाउने औला हो,

आड दिने काँध हो,

टेक्ने पाइतला हो,

संसार देखाउने आँखा हो,

स्वाभिमानी शिर हो,

अदम्य सहाशी मुटु हो ।

यती मात्र कहाँ हो र?

बा

ओत दिने छानो हो

तातो नाना हो

भोकको गास हो

संघर्षको पसिना हो

गल्तीमा सजाय हो

आँसु लुकाउने माया हो

साँच्चै बा भनेकेा

बा मात्रै हो

बा को पर्याय केही छैन ।