शब्द सबै, निअर्थ अब

के भनौ अब, के गरौ अब

शब्द सबै, निअर्थ अब

रुख भरी फुलेको छ

तिम्रै रंगीचंगी माया

हावा भरी फैलेको छ

तिम्रै मन्दमन्द माया

माला बनाइ लगाउँ की

देउतालाई चढाउँ

प्राण पवन बनाउँ की

शितलता जगाउँ

के भनौ अब, के गरौ अब

शब्द सबै, निअर्थ अब

अक्षर भरि उम्रेको छ

तिम्रै शाब्दिक माया

पुजा भरी सजेको छ

तिम्रै आत्मिक माया

आत्मा भरी साँचौ की

काव्य बनाउँ

आरती बनाई सजाउँ की

अँगालोमा बाँधौ

 के भनौ, अब के गरौ अब

शब्द सबै, निअर्थ अब