मन पात भएर हावामा हल्लिरहन्छ

मनको आँधी चलेको छ,

मनको धर्ति हल्लिएको छ,

मन भेल भएको छ,

उर्लेको छ अनियन्त्रीत

तात्तिएर अकासिएको मन

भावनामा उम्लदै

बादलबाट धर्तिमा ‌बज्रिएकोछ

विश्वासका पहाडहरुबाट

पहिरो बगाउँदै ल्याएको छ

थुपारेकोछ हिलो र ढ‌ुंगा

कुरुप विचारहरु माथि,

शब्दका बान्कीले

कुरुपता छोपेर,

मन मीठो मुस्काउँदै

फेरी इन्द्रजाल फाल्छ

इन्द्रियहरु आशक्त छन

मन सगै झुम्छन्

कुरुप ज्वालामुखी

पुन विष्फोट हुन्छ

बाफ भएर खुसीहरु

नफर्कने गरी अकासिन्छन्

फेरी

न भुईँमा न हाँगामा 

मन पात भएर हावामा हल्लिरहन्छ 

मन पात भएर हावामा हल्लिरहन्छ