तिमी नमुस्कुराएको साँझ

तिमी नमुस्कुराएको साँझ
मेरो घाम अस्ताउँदैन,
त्यसैले
मुस्कुराइदेउन प्रीयसी ।
घामलाई पृथ्वीको
अर्कै गोलार्धमा जानुछ,
लालीमा छर्दै क्षितीजमा
नौलो विहान जन्माउँनुछ,
विछौनामा लम्पसार परेकाहरु
मायालु अँगालोमा बाँधिएकाहरु
सपनामा डुलिरहेका स्वप्नदर्शीहरु
तिम्रो मुस्कानले अस्ताएको
घामको न्यानो स्पर्समा छाेइएर
सबैसबैलाई व्युँझनु छ,
हामी प्रेमपासमा बाँधिएर
यता निदाई रहँदा
उताको संसार चलाउनु छ,
तिमी नमुस्कुराएको साँझ
मेरो घाम अस्ताउँदैन
त्यसैले
मुस्कुराइदेउन प्रीयसी ।