रातो टिकी

पछि सार्दै कालो कपाल
चौडा निधार झनै फराकिलो पार्छिन,
उनी विछट्टै राम्री देखिन्छिन्
जब रातो टिकी
फराकिलो निधारमा लउँछिन ।

त्यो निधारको रातो थोप्लो
मन झै चञ्चले छ,
कहिले बस्दैन एकै ठाउँमा
यता उता सरीरहन्छ,
नाक,आँखा गालामा
बेलाबेलामा पुगिरहन्छ,
रातो टिकी टपक्क टिप्छु,
उनको निधारमा टाँस्न खोज्छुु,
आँखा चिम्ली थाप्छीन्
पहिलेकै ठाउँमा टाँसिदिन्छु,
एक टकले हेरीरहन्छु
के हेरेको ? कहिले नदेखे झै
उनि लाली  छर्दै  लजाउँछिन्
प्रत्येक पटक नयाँ देख्छु
र त तिमीलाई हेरिरन्छु,
उनी झनै रातो हुन्छीन् ।

कुनै विहान त्याे चञ्चले
मेरो निधार, गाला, छातीमा बँसाइ सर्छ,
यताउता खोजेर जब ममा भेट्छिन्,
पछि सार्दै कालो कपाल
चौडा निधार झनै फराकिलो पार्छिन,
अनि टकप्क टिपेर मबाट
जब रातो टिकी
फराकिलो निधारमा लउँछिन ।
आँखाले मौन समर्थन खोज्छिन
म आखै समर्थन दिन्छु
तिमी विछट्टै राम्री देखिन्छ्याै
जब रातो टिकी
फराकिलो निधारमा लउँछ्याै ।
pic Source https://www.artpal.com/gargisalaskar?i=79917-1